Dje përfundoi Kampionati Evropian i henbollit në rërë për të rinjte, i cili u mbajt në Plazh të Madh. Në këtë kamionat morën pjesë 34 përfaqësuese në kategorinë e meshkujve dhe femrave, ku më të suksesshëm u treguan skuadrat e meshkuve e Gjermanisë dhe ajo e femrave e Hungarisë.

Gjermania në finale triumfoi daj Polonisë, kurse Hungaria ndaj Holandës. Në kampionat morën pjesë edhe përfaqësueset e Malit të Zi, ku ajo e meshkujve garimin e përfundoi në vendin e 14 me 2 fitore dhe 5 humbje, ndërsa ajo e femrave regjistroi 7 humbje dhe zuri vendin e 17. Organizatorët dhe pjesmarrësit u shprehën shumë të kënaqur me kushtet e ofruara gjatë mbajtjes së kampionatit, të cilat në Plazh të Madh janë ideale për organizime të tilla.