Tenisti nga Ulqini Rrezart Cungu ka startuar me fitore në grupin e tretë të zonës evropiane të turneut Devis Cup. Ai në ndeshjet e kombëtares së Mali të Zi me Kosovën fitoi ndaj tenistit Granit Bajralliu 2-0 (6-1, 6-0). Edhe tenisti tjetër i kombëtares së Malit të Zi Ljubomir Çelebiq fitoi ndaj Hudo Banjska 6-1 6-1, duke vulosur kështu fitoren 2-0 të Mali të Zi.

Në ndeshjet e tjera të këtij grupi do të ndeshen Irlanda dhe Andora, kurse ndeshja në mes tenistëve të Malit të Zi dhe Irlandës i cila duhej të luhej dje , u shty për shkak të motit.