Zelensky bisedon me Biden. Temë; mbrojtja kundërajrore
Prej tvteuta09:15, 11 Tetor 2022
Presidenti ukrainas Volodymyr Zelensky, ka deklaruar se ka zhvilluar një bisedë telefonike me presidentin amerikan Joe Biden lidhur me mbrojtjen kundërajrore, pasi Rusia kreu një sërë sulmesh ajrore mbi qytetet ukrainase, raporton Reuters. “Kemi zhvilluar një bisedë produktive me presidentin amerikan.
Tema kryesore ka qenë mbrojtja kundërajrore. Aktualisht është prioriteti numër sa i përket bashkëpunimit tonë në fushën e mbrojtjes”, ka shkruar Zelensky në profilin e tij. Ndërkohë, presidenti rus Vladimir Putin sikur të mos ishte kënaqur me vrasjen e civilëve, ka vazhduar me kërcënime duke thënë se do të ketë sulme tjera më të fuqishme, nëse ukrainasit fillojnë ndonjë sulm të ri ndaj rusëve.