Kryetari i Demokratëve të Malit të Zi Aleksa Beçiq, ka kërkuar përsëri nga drejtori i Agjensisë për Siguri Kombëtare Dejan Peruniçiq, informacione për ngjarjet në ditën e zgjedhjeve të 16 tetorit.

Beçiq të njëjtat informata i ka kërkuar edhe para dy muajve por nuk ka marrë përgjigje. Informacionet që kërkon Beçiq kanë të bëjnë me njohuritë që kjo agjensi ka për grupin kriminel i cili ka tentuar grushtin e shtetit në ditën e zgjedhjeve, vrasjen e kryeministrit dhe marrjen e institucioneve. Në letrën drejtuar Peruniçiq, Beçiq thotë se e vërteta nuk mund të fshihet gjatë , dhe se është në interes të qytetarëve të Malit të Zi që e vërteta të merret vesh me shpejt.