Pas sezonit të mirë dimëror dhe sanimit të dy terreneve të futbollit, qendra e futbollit “Causheviq” njofton se edhe këtë vit, për të tetin me radhë, do të organizojnë turneun ndërkombëtar të futbollit “Miljan Miljaniq” për kategoritë e reja. Fillimi i turneut është planifikuar për 26 qershor dhe do të zgjasë 5 ditë. Në terrenin e madh do të ndeshen skuadrat e datëlindjeve 2007, kurse në terrenin e vogël, skuadrat e datëlindjeve në vitet 2008, 2009 dhe 2010. Nga kjo qendër sportive thonë se janë krenar për organizimin e këtij manifestimi i cili promovon sportin dhe shoqërimin në mes sportistëve nga i gjithë rajoni, për çka gjithmonë kanë pasur përkrahjen e sportistëve më të mëdhenj të këtyre trevave.