Presidenti i Kosovës, Hashim Thaçi tha se Ushtria e Kosovës do të bëhet në koordinim me Shtetet e Bashkuara të Amerikës dhe Bashkimin Evropian. Sipas tij, Ushtria nuk ka kthim mbrapa. E, nëse ndodh që Kuvendi nuk e voton këtë, ka thënë se do të japë dorëheqje. “Askush nuk ka pse të befasohet. Ushtria e Kosovës do të bëhet në koordinim me faktorët relevantë ndërkombëtarë. Kanë qenë të konsultuar dhe të informuar për të gjithë procesin. Më herët janë informuar dhe konsultuar edhe partnerët e koalicionit dhe Kryetari të Kuvendit. Gjithçka është ligjore. Presidenti ka të drejtë të ngrejë çështje. Si komandant suprem i Forcave të Armatosura të Kosovës, vlerësoj se kjo çështje duhet të mbyllet njëherë e përgjithmonë.”,  tha ai gjatë intervistës në emisionin “Debat” në RTK.