Në Maratonën e Pavarësisë këtë vit kanë marr pjesë dhe fëmijët si nga Mali i Zi ashtu dhe Shqipëria. Fëmijët janë ndarë në grupmosha dhe kanë vrapuar 1 km. në mesin e tyre ishin dhe Sara Pepgjonoviq, Izabela Martinoviq dhe Emanuela Martinoviq pjesë e grupit Trandafilat e Shestanit. Vajzat pjesëmarrëse ishin të ftuara në emisionin e mëngjesit “Ditë e re” në TV Teuta ku folën për këtë eksperiencë.

Ato u shprehët të kënaqura që morën pjesë në maratonë për të cilën thojnë se ishte pak e vështirë, por premtojnë se nuk do të ndalen me kaq, do të vazhdojnë të merrin pjesë dhe në gara tjera të këtij lloji. Duhet cekur se Sara, Izabella dhe Emanuella merren dhe me disa aktivitete tjera, si futboll, hokej dhe folklor.