Në mbrëmjen e kaluar në Qendrën e kulturës në Ulqin, u mbajt një veprimtari  kulturo- shkencore të titulluar “ULQINI PËRKUJTON ÇAMËRINË”. Drejtori i qendrës, Dr. Nail Draga tha se “ne nuk e kemi harruar Çamërinë”, duke shtuar se në shkrimet tona autoriale nëpër revistat që kemi këtu në Malin e Zi, kemi theksuar tragjedinë e shpërnguljes me dhunë të shqiptarëve të Çamërisë.

Ndërkaq, Profesor Doktor Sulejman Sheme,tha se nëpërmjet shoqates omonime dhe subjektit politik PDJU të çamëve, kemi arritur të sensibilizojmë opinionin kombëtar dhe ndërkombëtar për gjenocidin që ka ushtruar Greqia ndaj kësaj populate. Ai tha për Televizionin Teuta se sot në Shqipëri janë mbi 300 mijë çam.