Shërbimi i Mbrojtjes dhe Shpëtimit në Ulqin i ka marrë të gjitha masat mbrojtëse nga koronavirusi dhe se janë në gatishmëri të plotë, thonë në këtë shërbim. Kryeshefi Saubih Mehmeti, deklaroi për Televizionin Teuta se përveç sigurimit të dorezave dhe maskave janë pajisur edhe me mjetet dezinfektuese, kurse disa ditë më parë u bë edhe dezinfektimi i objektit. Sipas Mehmetit, punëtorët i përmbahen rregullave dhe mundohen të zbatojnë distancën sociale , pasi objekti ka hapësirë  të mjaftueshme për respektimin e saj.