Nga Partia Demokratike e Socialistëve nuk e kanë me ngut se kur do të bëjnë publik kandidatin e tyre për president të vendit, por sipas mediave , kjo ka gjasa të ndodhë pas festave të Vitit të Ri dhe Krishtlindjeve ortodokse.

Kryetari i Partisë Millo Gjukanoviq disa herë ka përsëritur se kjo do të ndodhë deri në fund të vitit aktual, megjithatë duket se ky vendim do të shtyhet. Ai shihet si kandidati më serioz për këtë post, dhe i vetmi i cili mund të përballet me një kandidat të përbashkët të opozitës.