Klubi i futbollit “Otrant Olimpik” pjesën e parë të garimit në Ligën e dytë malazeze e ka përfunduar në vendin e 7 në tabelë. Gjatë kësaj periudhe klubi ka hasur në disa vështirësi të cilat nuk u kanë lejuar që ato të kenë sukses më të madh, por gjithsesi ato janë të kënaqur me arritjet e deritanishme, shprehet ndihmës trajneri Xhemal Kapllanbegu. Pjesa e dytë e ligës fillon me datë 4 mars ku ulqinakët do të jenë musafir të ekipit të Llovqenit.