Komisioni Komunal Zgjedhor i Ulqinit në mbledhjen e sotme bëri verifikimin e rezultatit përfundimtar të zgjedhjeve lokale të mbajtura me 4 dhe 18 shkurt në komunën tonë .

Në periudhën e ardhshme 4 vjeçare, në Kuvendin Komunal të Ulqinit  do të jenë të përfaqësuara 8 lista zgjedhore: Partia Socialdemokrate dhe Partia Boshnjake me nga një mandat, Lëvizja Qytetare URA me 2 mandate, Socialdemokratët dhe UDSH me nga 3 mandate, koalicioni “Zgjohu Ulqin” 7 mandate, Partia Demokratike e Socialistëve dhe Forca e Re Demokratike me nga 8 mandate.