Futbollistet e Anglisë fitojnë titullin e Evropës
Prej tvteuta15:48, 1 Gusht 2022
Futbollistet e Anglisë janë shpallur kampione të Evropës.
Anglia të dielën mbrëma në Wembley në prani të mbi 87 mijë shikuesve, mposhti Gjermaninë pas lojës shtesë me rezultatin 2:1.
Rezervistja Chloe Kelly në minutën e 110-të realizoi golin e fitores për Anglinë.
Për futbollistet e Anglisë është titulli i parë i madh
Fillimisht Ella Toone kishte realizuar për epërsinë 1:0 të Anglisë në minutën e 62-të, para se për Gjermaninë të barazonte Lina Magull në minutën e 79-të.
Ndeshja shkoi në shtesa, ndërsa Anglia në shtesë realizoi golin e fitores me anë të Kellyt.