Pas zgjedhjeve lokale të Nikshiqit, Fronti Demokratik do të distancojë veprimtarinë e vet politike nga pjesa tjetër e opozitës, shkruajn mediat e Malit të Zi duke u bazuar në burimet brenda këtij grupimi. Ky vendim pritet të publikohet javën e ardhshme pasi të mësohen rezultatet e aksionit të opozitës që në zgjedhjet lokale në Nikshiq të dalin sa më pak votues.

Sipas burimeve të njëjta, për këtë vendim kanë qenë dakrod të gjithë antarët e kryesisë së Frontit, të cilët nuk kanë dashur të tolerojnë më tepër sjelljen mospërfillëse të pjesës tjetër të opozitës ndaj iniciativave të tyre. Nga Fronti thonë se bojkoti i Kuvendit nuk mjafton dhe se duhet të kalohet në protesta masovike.