Kandidati potencial për president të Malit të Zi, profesori Gjorgje Bllazhiq, për 4 ditë ka mbledhur 1000 nënshkrime të qytetarëve, ka kumtuar vetë ai. Ai shtoi se për të dalur nga kriza aktuale politike dhe institucionale nevojitet një qeveri e pajtimit kombëtar, dhe se ai si qytetar dhe pedagog është i shqetësuar për  situatën në vend. Bllazhiq njoftoi se në ditët në vijim do të fillojë fushatën duke vizituar të 23 komunat e Malit të Zi. Për kandidaturë në zgjedhjet presidenciale nevojiten mbi 7000 nënshkrime.