Policia e Ulqinit gjatë kontrollit në një kamp vetur ka gjetur një pako me lëndë bimore jeshile me peshë totale 1.3 gram, e cila dyshohet të jetë droga dehëse marihuanë, njoftoi Drejtoria e Policisë. Siç deklarojnë ata, M.R. i cili përdori automjetin që u kontrollua, është arrestuar nën dyshimin se ka kryer veprën penale të prodhimit, posedimit dhe shpërndarjes së paautorizuar të narkotikëve.

“Policët e Qendrës Rajonale të Sigurisë “Jug”, Departamenti i Sigurimit të Ulqinit, pas urdhrave të Gjykatës së Lartë në Podgoricë, dje kanë kontrolluar automjetin e përdorur nga M.R. (46) nga Podgorica me vendbanim në Ulqin. Me atë rast, këtij personi iu gjetën shtatë pako të vogla me lëndë bimore jeshile, e dyshuar si lëndë narkotike marihuanë, me peshë totale prej 1.3 gram. Po ashtu, me angazhimin e një qeni zyrtar për zbulimin e narkotikëve, është gjetur një pako me substancë dehëse jeshile, e cila dyshohet të jetë droga narkotike marihuanë”, thuhet në njoftimin e Drejtorisë së Policisë

Siç theksojnë, nga M.R. janë mbledhur njoftime për procesverbal, gjatë të cilave ky person ka treguar se lëndën narkotike të përmendur e ka blerë nga një person i panjohur më 14 korrik për shumën prej 500 euro.

“Për ngjarjen është njoftuar prokurori kompetent në Prokurorinë e Lartë të Shtetit në Podgoricë, me urdhër të të cilit M.R. është privuar nga liria mbrëmë nën dyshimin se ka kryer veprën penale të prodhimit, posedimit dhe shpërndarjes së paautorizuar të narkotikëve”, përfundon njoftimi.