“Syri i zjarrit”, rrjedhja e gazit ndez flakë në ujëra.
Prej tvteuta17:13, 3 Korrik 2021
Kompania e naftës e Meksikës, “Petroleos Mexicanos” ka thënë se ka pësuar një prishje në një tubacion nënujor të gazit në Gjirin e Meksikës, duke bërë që të dërgojë flakë zjarri në sipërfaqen e ujërave të Gjirit nga rrjedhja e tij.
Ndërkaq, janë dërguar varka të kontrollit të zjarrit për ta vënë nën kontroll, gjë që e arritën vetëm pas rreth 5 orësh, raporton AP.
Por, ky incident dha një pamje të çuditshme të topave prej flake zjarri që gurgullonin nga poshtë sipërfaqes së Gjirit të Meksikës.
Ishte e paqartë se sa dëm mjedisor kishte shkaktuar rrjedhja e gazit dhe topat e zjarrit.
Në rrjetet sociale videoja për të ka qarkulluar shumë dhe është quajtur “syri i zjarrit”.