Ndryshimet e klimës, të cilat shoqërohen me fenomene natyrore aspak normale, por edhe me një kosto të lartë në mjedis dhe ekonomi, kanë nisur të ndihen edhe në Shqipëri.
Rritja e temperaturave pritet të sjellë thatësirë dhe rrjedha ekstreme të lumenjve, duke e kthyer në sfidë prodhimin e energjisë së pastër. Ekspertët e mjedisit theksojnë se, dhënia e qindra lejeve për ndërtimin e HEC-eve dhe mosrespektimi i kritereve ligjore po sjell një dëm të madh në prishjen e ekosistemit natyral të lumenjve, ku po ndërhyet në mënyrë barbare.