Titujt e disa ditëve më parë tregojnë gjithashtu se dhuna është bërë përditshmëria jonë. Nuk ka fund për dhunën e bashkëmoshatarëve dhe nuk do të ketë derisa sistemi të zgjohet dhe autoritetet të bëjnë gjithçka për të garantuar sigurinë e fëmijëve. Shoqata e prindërve thotë se është koha t’u tregojmë dhunuesve se nuk mund të bëjnë çfarë të duan pa pasoja.
Siç tha Kristina Mihailoviq nga Shoqata “Prindërit”, prindërit duhet të mendojnë vërtet nëse do t’i dërgojnë fëmijët e tyre në shkollë sepse dikush mund t’i përgjojë dhe t’i ngacmojë me ditë të tëra.
“Ajo që është më e keqja nga të gjitha, dhe ajo që është mesazhi kryesor, është se kjo mund të ndodhë dhe nuk ka asnjë sistem mbrojtjeje”, tha Mihailoviq.
Një nga sistemet mbrojtëse që autoritetet kanë premtuar është rritja e mbikëqyrjes policore në shkolla. Mirëpo, prindërit nuk e kanë vënë re në masë të mjaftueshme një gjë të tillë. Dhe dihet, thonë ata, se dhuna e bashkëmoshatarëve ndodh jashtë shkollave.