Komiteti i Punëve të Jashtme i Sentatit amerikan mbështeti unanimisht Protokollin për pranimin e Malit të Zi në NATO, dhe i bëri thirrje Senatit ta miratojë traktatin para seancës së re.

Anëtarët e Komisionit vlerësuan se ratifikimi i Protokollit para shpërbërjes së Senatit aktual do të ishte një përgjigje e qartë ndaj politikës ruse në Evropë. Kryetar i Komitetit Bob Korker, tha se Mali i Zi ka  zbatuar reforma serioze për të marrë ftesë për në NATO, duke theksuar se Podgorica zyrtare ka ende shumë progres për të bërë. Ai tha se Mali i Zi mund të presë ndihmë nga Uashingtoni dhe shpjegoi se anëtarësimit të Malit të Zi në NATO është në interes të SHBA-ve.