Sot u nënshkrua marrëveshja për ndërtimin e terreneve sportive të shkollës fillore “Xhafer Nikoçeviq” në Guci, vlera e të cilit kap shumën prej 300.000 eurove. Ky investim bëhet nëpërmjet modelit të bashkfinancimit ndërmjet Qeverisë së Malit të Zi dhe Fondacionit Gucia nga Njujorku. Ministri i arsimit Damir Shehoviq shprehu falenderime të posaçme për fondacionin në fjalë për inicimin e këtij projekti, çka tregon për përkushtimin e diasporës ndaj rritjes së cilësisë së jetesës në vendlindje.