Për skriningun e kancerit të qafës së mitrës, Ministria e Shëndetësisë planifikon të blejë pajisje moderne në vlerë 700 mijë euro, thuhet në Raportin për punën dhe gjendjen në fushat administrative të Ministrisë së Shëndetësisë në vitin 2022, të miratuar nga Qeveria.
Ky dokument është krijuar në fund të muajit prill, ndërsa dje është publikuar në ueb faqen e Qeverisë së Malit të Zi.
Pajisja, siç specifikohet, përfshin testimin e njëkohshëm të dy metodave aktuale të HPV dhe LBC (Citologjia e bazuar në lëngje) – testi PAPA është një shtupë citologjike e qafës së mitrës që kryhet duke përdorur citologjinë në bazë të lëngshme.
“Kjo do të ndikojë ndjeshëm në cilësinë e programit të depistimit, do të ulet incidenca e kancerit të qafës së mitrës, do të zbulohet në një fazë të hershme, do të ulet barra për gjinekologët, do të parandalohen vizitat në klinikat private dhe do të ulet kostoja e trajtimit të kancerit të qafës së mitrës”, thuhet në dokument.