“Zhduken” cigare të tjera nga Porti i Tivarit
Prej tvteuta10:56, 3 Mars 2022
Në Portin e Tivarit përsëri ka ardhur deri tek vjedhja e cigareve që magazinoheshin në objektet e kompanisë Montenegro duvan komerc, kanë njoftuar nga Drejtoria e të ardhurave dhe doganave. Ushtruesja e detyrës së drejtoreshës së këtij institucioni, Jelena Petriçeviq, tha se vula siguruese nuk ishte thyer dhe se cigaret ishin nxjerrur nga pjesa tjetër e objektit.
Dyshohet se janë zhdukur rreth 250 paketa me cigare, ndërsa në vazhdim është regjistrimi i mallit të mbetur.