Në mbledhjen e djeshme të Këshillit Drejtues të ndërmarrjes publike “Veprimtaritë Komunale”, për ushtrues detyre të drejtorit është zgjedhur Beqir Sella, zv. Drejtori i kësaj ndërmarrjeje. Sella do të kryejë këtë funksion në vend të Mehmet Zenkës, i cili ka kaluar në detyrën e ministrit për të drejtata e njeriut dhe pakicave.

Me marrëveshjen e koalicionit për pushtetin lokal, vendi i drejtorit në këtë ndërmarrje i takon Unionit Demokratik të Shqiptarëve, dhe pritet që ato të emërojnë pasardhësin e Zenkës në këtë post.