Faruk Resulbegoviq, prokurori i Prokurorisë Themelore të Shtetit në Ulqin, është emëruar ushtruesi i detyrës së kreut të ri të kësaj prokurorie, pasi Këshilli Prokurorial  shkarkoi nga kjo pozitë prokurorin Vlladimir Savoviq, njoftonVijesti.

Savoviq, i cili në krye të Prokurorisë Themelore u zgjodh në maj të vitit 2021, dha dorëheqjen nga ajo pozitë për të kaluar në një punë tjetër.

Resulbegoviq është kandidat edhe për gjyqtarin e shtatë të Gjykatës Kushtetuese për të cilin duhet të vendosë përbërja e re e Kuvendit të Malit të Zi.