Ka filluar turneu mbarkombëtar në tenis “Ulqini Bowl 2017” ku organizatori kryesor është klubi i tenisit “Bellevue”. Turneu do të mbahet dy ditë, nga data 1 deri me datën 2 prill në ambientet e klubit organizativ dhe marrin pjesë rreth 100 garues nga mosha më e vogël e deri 14 vjeç, në të dy kategoritë, vajza dhe djelm. Senad Tafa, drejtor i klubit “Bellevue”është i kënaqur që edhe ky turne është në kalendarin vjetor të klubit të tyre. Është viti i parë që organizohet dhe shpreson se do të rikthehet në traditë.