Nata Beratit shënohet në natën më 15 të muajit shaban, dy javë para fillimit të Ramazanit. Fjala berat në gjuhën arabe do të thotë: të shpëtosh, të falesh e të lirohesh prej gjynaheve, fajeve dhe dënimeve. Këtë natë mund ta vlerësojmë duke bërë shumë lutje, duke kërkuar falje të sinqertë për gjynahet që i kemi bërë, duke ia zgjatur dorën e ndihmës nevojtarëve dhe personave të harruar, thotë për TVTeuta kryeimami I Bashkësisë Islame të Ulqinit, Ali Bardhi.