Shumë të infektuar nga koronavirusi kanë kaluar pa pasoja të rënda por ka pasur edhe nga ato të cilët nuk ja kanë dalur dot luftës me këtë sëmundje. Një numër i të infektuarve, mjekimin e vet e ka marr nëpër spitale, pasi gjendja shëndetësore ishte tejet e rënduar. Historinë e vet me këtë sëmundje në emisionin e mëngjesit në Tv Teuta e rrëfen Naser Halili, i cili është falenderues që e ka tejkaluar këtë sfidë. Simptomat e para ishin ato të zakonshmet që i ka pikërisht Covid 19: ethe dhe temperaturë. Pas dy ditëve me këto simptoma, ai vendos të testohet dhe me marrjen e rezultatit mëson që është pozitiv. Menjëherë drejtohet në spitalin e Tivarit për testime të mëtejshme, ku  mjekët vendosin ta kthejnë në shtëpi ku do të vazhdonte terapinë e përshkruar. Pas disa ditëve, gjendje e tij përkeqësohet dhe mjekët e shtrijnë në spital ku vazhdon mjekimin. Gjendja shëndetësore nuk shkonte drejtë përmirësimit dhe mjekët e vendosën në ventilim joinvaziv, në të cilin qëndroi 13 ditë. Kjo ishte periudha më e vështirë që ka përjetuar, thotë Halili. “Frikën dhe stresin i kam larguar nga mendja dhe kam luftuar fortë me veten që të dal nga ai shtrat dhe nga ai spital. Çdo gjë ishte shumë e vështirë sepse gjendja ime shëndetësore ishte shumë e keqe”, shton ai. Tashmë kur kanë kaluar 4 muaj nga shërimi, Halili thotë që virusi korona ka lënë pasoja të shumta në trupin e ti; lodhje, humbje koncentrimi etj. Ai është falenderues për familjen që e kanë mbështetur, për miqtë dhe kolegët që i kanë qëndruar pranë gjatë gjithë kohës.

AKZ