Me rastin e kremtimit të 13 korrikut – Ditës së Shtetit, Presidenti i Malit të Zi Millo Gjukanoviq mori mesazhe uruese nga Presidenti e Kroacisë Zoran Millanoviq, Sllovenisë Borut Pahor dhe Maqedonisë së Veriut Stevo Pendarovski.

Në mesazhin e tij të urimit, Millanoviq deklaroi se ai beson se ata do të vazhdojnë të zhvillojnë dhe forcojnë miqësinë e tyre dhe të bashkëpunojnë në fusha me interes dhe se marrëdhëniet e tyre aleate u japin atyre një nxitje shtesë për të thelluar bashkëpunimin, me rëndësi dypalëshe dhe globale.

Ai gjithashtu theksoi se Kroacia u jep mbështetje të plotë aspiratave evropiane të Malit të Zi.

Presidenti i Sllovenisë Borut Pahor, beson se marrëdhëniet bilaterale midis Sllovenisë dhe Malit të Zi bazohen në miqësi, bashkëpunim dhe mirëkuptim pozitiv dhe të gjerë.

Pahor gjithashtu shprehu shpresën se Mali i Zi do të bëhet një anëtar i Bashkimit Evropian sa më shpejt të jetë e mundur dhe përsëriti se Sllovenia do të vazhdojë të mbështesë përpjekjet e Malit të Zi gjatë kësaj rrugës.

Pendarovski e konsideron Malin e Zi një nga miqtë dhe aleatët më të ngushtë të Maqedonisë së Veriut, me të cilin ata ndajnë të njëjtat vlera dhe pikëpamje për një Evropë të sigurt dhe me prosperitet.

Ai theksoi angazhimin e tij personal për përmirësimin gjithëpërfshirës të marrëdhënieve të fqinjësisë së mirë dhe bashkëpunimin me Malin e Zi.