Në Mal të Zi nga dita e djeshme janë kryer 2263 testime për Covid 19, nga të cilët 643  kanë rezultuar pozitiv, njoftohet nga ISHP. Gjatë kësaj kohe janë  regjistruar 7 viktima nga sëmundja, një prej të cilëve nga komuna e Ulqinit. Numri më i madh i rasteve të reja janë në : Podgoricë 216,  Nikshiq 114, Herceg Novi 48,  ndërsa në Ulqin u regjistruan 40 raste. Deri në orën 15.00 njoftohet për  502  të shëruar, ndërsa numri i rasteve aktive është 8.471, prej të cilëve 318 në komunën e Ulqinit.