Në Mal të Zi prej ditës së djeshme janë kryer edhe 2124 analiza për Covid 19 , prej të cilave 612 kanë rezultuar pozitive. Nga ISHP njoftohet se gjatë kësaj periudhe kanë humbur jetën 7 viktima më këtë sëmundje. Numri më i madh i rasteve të reja janë regjistruar në Podgoricë 242 raste,  Nikshiq 103, Tivar 33, kurse në Ulqin 19 raste të reja. Gjatë kësaj kohe u shëruan  511 të infektuar ndërsa numri i rasteve aktive është 9.063, prej të cilëve 520 në komunën e Ulqinit.