Deputeti i Alternativës Shqiptare Nik Gjeloshaj, ka deklaruar se bazë e bashkëpunimit të mëtejshëm per votimin e qeverise se re është posti i ministrit.

“Në qoftë se duan përkrahjen tonë në formimin e Qeverisë së re, ky është minimumi, poshtë të cilit as nuk duhet të mendohet ” ka thënë Gjeloshaj.

Ai ka theksuar se do të mbështesë qeverinë e re vetem nëse ata përmbushin kërkesat e tyre në nivelin kadrovik dhe programorë.

Gjeloshaj shtoi se në kuadër të marrëveshjes duhet të jenë ndryshimet në Ligjin për zgjedhjen e këshilltarëve dhe deputetëve, posti i Ministrit për të Drejtat e Njeriut dhe të Pakicave, si dhe disa kerkesa mbi vetëqeverisjen lokale në Tuz.