Kryetari i UDSH-së Mehmet Zenka, përmes një postimi në faqen zyrtare të kësaj partie në facebook, njoftoi se ai nuk do të përkrah hyrjen në koalicion me subjekte proserbe dhe që mohojnë njohjen e Kosovës dhe që janë kundër integrimeve euroatlantike të vendit. Zenka në postim po ashtu thotë se këto janë vetëm një pjesë e arsyeve për të cilat ata nuk pranojnë të jenë pjesë e kombinimeve të reja, duke ju uruar rrugë të mbarë partive të tjera shqiptare që sipas tij po vrapojnë për të qenë pjesë e bisedimeve.