Sot, pas një  sëmundje të rëndë disa muajshe, vdiq mjeku Abedin Axhoviq. Ai për banorët e Tuzit dhe Malësisë ishte njeri I respektuar, mjek dhe humanist i vlerësuar. Dr Axhoviq ka  lindur ne Tuz, ku  edhe ka përfunduar shkollën fillore dhe të mesme . Fakultetin e Mjekësisë e ka përfunduar në Sarajevë , kurse specializimin në Beograd. Përveç funksionit human të mjekësisë, ai ka ushtruar edhe postin e kryetarit të  Komunës Urbane të Tuzit  në periudhën  prej vitit 2014 e deri në vitin 2019.  Lidhur me vdekjen e dr Axhoviqit sot kishte shumë postime ngushëllimi nëpër të  gjitha rrjetet sociale, e poashtu përmes një kumtese I ka shprehur ngushëllimet famljes edhe Komuna e Tuzit, në të cilën thuhet:

Të nderuar qytetarë,

Sot, mbarë populli i Malësisë, humbi një humanist të përkushtuar dhe një veprimtarë të palodhshëm, mjekun dhe politikanin – Dr. Abedin Axhoviq.
Dr. Axhoviq, ishte mjek i cili për një kohë të gjatë shërbeu pranë Shtëpisë së Shëndetit në Tuz, me përkushtim dhe devotshmëri.
Gjithashtu, ishte edhe kryetar i Komunës urbane të Tuzit gjatë periudhës 2014-2019.
Komuna e Tuzit u shpreh ngushëllimet familjes, kolegëve dhe të gjithë atyre që patën rastin ta njohin atë!

Pusho në paqe Dr. Axhoviq, përshëndetje e fundit nga kolektivi i Komunës së Tuzit!