Mbretëresha Elizabeth II, monarkja më jetëgjatë në Mbretërinë e Bashkuar, ka vdekur në Balmoral në moshën 96-vjeçare, pasi mbretëroi për 70 vjet. Familja e saj u mblodh në pronën e saj skoceze pasi shqetësimet u rritën për shëndetin e saj më herët të enjten. https://twitter.com/RoyalFamily/status/1567928275913121792?ref_src=twsrc%5Etfw%7Ctwcamp%5Etweetembed%7Ctwterm%5E1567928275913121792%7Ctwgr%5E66c26a780bd2d9ef59398c097c9a7f7ad344130e%7Ctwcon%5Es1_&ref_url=https%3A%2F%2Ftelegrafi.com%2Fvdes-mbreteresha-elizabeth-ii-te%2F Elizabeth II ishte 25 vjeç kur u bë mbretëreshë, në shkurt të vitit 1952. Atë muaj, Princesha Elizabeth dhe i shoqi, Princi Philip, ndodheshin në një udhëtim zyrtar në Afrikën Lindore, në kuadër të një turi në vendet e Commonwealth. Por, pak ditë pas largimit nga Londra, më 6 shkurt, mbretëresha mori lajmin për vdekjen e të atit, Mbretin George VI. Të njëjtën ditë, ajo u kthye në Londër me një tjetër status shoqëror. Pavarësisht se ishte i sëmurë, vdekja e Mbretit George në moshën 56-vjeçare qe e papritur. Pas kësaj ndodhie, Elizabeth ishte e vetmja që mund të merrte fronin, pasi xhaxhai i saj Eduard VIII e kishte refuzuar që më herët.