“Van Basten, kush?”, talenti slloven mahnit me golin ndaj Suedisë
Prej tvteuta15:55, 28 Shtator 2022
![](http://tvteuta.com/wp-content/uploads/2022/09/sheshko1664348115.webp)
Talenti i Kombëtares sllovene Benjamin Sheshko shënoi një gol spektakolar në ndeshjen e Ligës së Kombeve kundër Suedisë (1:1) që kujton kryeveprën e Marco van Bastenit me Holandën në finalen e Kampionatit Evropian 1988 kundër Bashkimit Sovjetik.
Në minutën e 28-të, pas një topi të gjatë të Petr Stojanoviqit, Sheshko nuk e priti dhe goditi me të majtën, duke e lënë pa mundësi portierin e Suedisë Robin Olsen.
Spiš mirno, Marco van Basten?! 🤩😤😱 #Srcebije 🇸🇮 pic.twitter.com/9zJ9nebhBr
— Sportklub Slovenija (@Sport_Klub_Slo) September 27, 2022
Komentuesit sllovenë nuk mund ta besonin se çfarë gol shënoi dhe njëri prej tyre bërtiti “Ku je Van Basten?”, ndërsa një tjetër tha: “A po fle i qetë Van Basten?“.
Sheshko 19-vjeçar është një nga talentet më të mëdhenj të futbollit në botë. Futbollisti luan për kombëtaren sllovene dhe paraqitjet e tij të shkëlqyera në RB Salzburgun tërhoqën interesimin e klubeve më të mëdha botërore.
Megjithatë, ai tashmë ka rënë dakord të kalojë në RB Leipzig sezonin e ardhshëm. Ai nënshkroi një kontratë pesëvjeçare në një transferim prej 24 milionë eurosh.