Në Ulqin është arrestuar i dyshuari për kërcënim me armë ndaj një bashkëqytetari, një shtetas i Kosovës është arrestuar për drejtim mjeti nën ndikimin e alkoolit, ndërsa kundër një shtetasi të Serbisë është paraqitur kallëzim penal për ndërtim pa leje.

“Një person ka njoftuar policinë e Ulqinit se pas konfliktit verbal që ka pasur me S.M., ai person ka nxjerrë një armë nga xhepi dhe ia ka drejtuar kallëzuesit, duke i dërguar fjalë kërcënuese, pas së cilës ka futur sërish armën në xhepin e tij dhe është larguar nga vendi i ngjarjes”, është bërë e ditur nga Drejtoria e Policisë.

Sipas urdhrit të Gjykatës Themelore të Ulqinit, policia, siç shtohet në njoftim, ka bastisur banesën dhe objektet tjera në të cilat ka pasur M.S. dhe gjeti një pistoletë tip “Pietro Beretta” 6.35 mm, si dhe një sasi të caktuar municioni. Gjatë kontrollit u gjet edhe një pushkë me ajër, 207 copë municione të llojeve dhe kalibrave të ndryshëm dhe një pushkë gjuetie.

“Ngjarja është raportuar në prokurori në Prokurorinë Themelore të Shtetit në Ulqin, me urdhër të të cilit S.M. i është hequr liria nën dyshimin se ka kryer veprën penale të rrezikimit të sigurisë në lidhje me veprën penale të armëmbajtjes pa leje dhe materiale shpërthyese”, thuhet në deklaratë.

Policia e Ulqinit ka bërë kallëzim penal kundër N.M. (39) nga Republika e Serbisë nën dyshimin se ka kryer veprën penale të ndërtimit të objektit pa dokumentacion regjistrimi dhe ndërtimi.

“Këtë vepër dyshohet se e ka kryer duke filluar ndërtimin e tre objekteve banesore nga 100 metra katrorë si investitor në një parcelë kadastrale, pa regjistrim dhe dokumentacion të kërkuar me Ligjin për Planifikim Hapësinor dhe Ndërtim Ndërtesash”, është bërë e ditur nga policia.

Policia në Ulqin duke vepruar sipas planit të kontrollit të shtuar në komunikacion ka kontrolluar edhe U.X. (22) nga Kosova, i cili gjatë testimit të alkoholit është konstatuar se po drejtonte mjetin nën ndikimin e alkoolit në trup në përqendrim 2.05 g/kg.

“Personit i është hequr liria, i cili do të paraqitet para gjyqtarit për kundërvajtje për kompetencë të mëtutjeshme brenda afatit ligjor”, thonë nga Administrata e Policisë.