TRAJNIME NDËRKUFITARE NË MES MZ DHE KS – “ZHVILLIMI I AFTËSIVE PRINDËRORE”
Prej tvteuta15:42, 24 Shtator 2016
![](http://tvteuta.com/wp-content/uploads/2016/09/trajnim44-110x96.jpg)
Qendra Pedagogjike e Malit të Zi organizoj trajnim dy ditor në Ulqin me temën “Zhvillimi i aftësive prindërore”. Bartësja e projektit Vanja Rakoçeviq për Televizionin Teuta tha se ky trajnim vjen si rezultat i projektit ndërkufitar në mes Malit të Zi dhe Kosovës, në të cilin marrin pjesë 20 përfaqësues të Organizatave Joqeveritare nga të dy vendet.
Berat Thaçi nga OJQ Bethany e Kosovës për Tv Teuta tha se ky projekt ka filluar prej dhjetorit te vitit 2015 dhe do të zgjasë edhe 9 muaj në vazhdim. Gjatë implementimit të projektit janë bërë vizita studimore në të dy anët e kufirit, trajnime dhe punëtori me qellim të ngritjes së kapaciteteve të pjestarëve të komunitetit Rom, Ashkali dhe Egjiptian.Projekti financohet nga Bashkimi Evropian.