Në Mal të Zi korrupsioni është ndër problemet më të mëdha, kur janë në pyetje të drejtat e njeriut, kurse Qeveria nuk zbaton ligjet kundër korrupsionit, theksohet në raportin e Departamentit amerikan të shtetit mbi Malin e Zi për vitin e kaluar.

Në raport, theksohet se mos dënimi edhe më tej paraqet problem, edhe pse është rritur numri i akuzave për korrupsioni duke përfshirë edhe funksionarë të caktuar nga radhët e partisë në pushtet. Ekzistojnë të dhëna se zyrtarë dhe qeveritarë të caktuar kanë qenë të përfshirë në veprime korruptive, por kanë mbetur të padënuar, thuhet në raportin, të cilin e ka paraqitur sekretari amerikan i shtetit, Xhon Keri.

Në dokument konstatohet se politizimi, rrogat e ulëta, mungesa e motivimit dhe e stërvitjes të punësuarve në sektorin publik kanë siguruar “truall të plleshëm për korrupsion”.