Reshjet e shumta të shiut që kanë rënë ditët e fundit, shoqëruar edhe me lëshimet e ujit në kaskadën e Drinit, kanë krijuar probleme për banorët e fshatrave në breg të Bunës.

Kjo për ta nuk është asgjë e re, por situata mund të përkeqësohet edhe më tej, pasi nesër pritet reshje të reja të shiut.

Rrugët që çojnë në fshatrat Lisën dhe Bore janë nën ujë, ndërsa banorët të izoluar. E vetmja mënyrë për të dalë është përmes varkave ose automjeteve speciale.