Njohësit e çështjeve politike në Maqedoni, shprehen optimistë për arritjen e një marrëveshjeje mes partive politike, pas bisedimeve të fundit që rezultuan me angazhimin e tyre për zbatimin e marrëveshjes së 2 qershorit për zgjidhjen e krizës politike.Takimi i radhës është caktuar më 29 qershor dhe deri atëherë partitë duhet të finalizojnë tekstin e marrëveshjes, që kryesisht ka të bëjë me formën e qeverisë kalimtare deri në zgjedhjet e parakohshme të parapara të mbahen deri në prill të vitit të ardhshëm.