Plani për ndeshjen me Serbinë, e cila është parashikuar të zhvillohet më 8 tetor në stadiumin “Loro Boriçi” të Shkodrës, nis nga nesër.

Federata Shqiptare e Futbollit ka kërkuar mbështetjen e Qeverisë për të organizuar ndeshjen më të rrezikshme të historisë së futbollit shqiptar.Kjo ndeshje do të tregojë aftësitë e Federatës shqiptare dhe Shtetit shqiptar për organizimin e një ndeshjeje me risk të lartë.