Përfaqësuesit e të gjithë subjekteve politike që përbëjnë koalicionin e ri, janë takuar dje te kryetari i Kuvendit Fuad Haxhibeti për të koordinuar veprimet e mëtejshme.

Sipas burimeve jozyrtare mësohet se në mbledhje është rënë dakord që ekzekutivi i ri të formohet sa më shpejt, me qëllim që të punohet në tejkalimin e problemeve aktuale të qytetit. Nisur nga kjo, ka shumë mundësi që mbledhja e ardhshme e Kuvendit të mbahet jo më larg se të mërkurën, ose në ditët e fundit të kësaj jave.