Deputeti i Kuvendit të Serbisë, Riza Halimi, nga Partia shqiptare për Veprim Demokratik, ka hedhur poshtë mundësinë e përshkallëzimit të situatës në Luginë të Preshevës, pas konfliktit në Maqedoni.
“Situata dramatike në Kumanovë, për fat të keq, ka pasur epilog të përgjakshëm. Ky episod ka përfunduar. As në Maqedoni, as në Preshevë, as në Bujanoc dhe as në Medvegjë nuk ka shanse të ndodhë ndonjë përshkallëzim”, ka thënë Halimi për gazetarët në Kuvendin e Serbisë.