Sistemi shëndetësor i Malit të Zi ka hyrë në rrugën e rimëkëmbjes dhe reformës, tha ministri i Shëndetësisë Dragosllav Shqekiq dhe tha se kujdesi shëndetësor i sigurt dhe cilësor është prioritet i departamentit që ai drejton.

Ai tha se shëndetësia private nuk mund të ndërtohet duke shfrytëzuar burimet, pra personelin e shëndetësisë publike.

“Shteti investon dukshëm në trajnimin dhe edukimin e mjekëve tanë dhe punonjësve të tjerë shëndetësorë, çdo ditë e më shumë”, tha Shqekiq në një intervistë për agjencinë MINA.

Ai shtoi se për këtë vit janë planifikuar më shumë se 200 specializime dhe një numër shtesë i subspecializimeve.

“Shëndetësia ka ecur në drejtim të rimëkëmbjes dhe reformës dhe nëse dikush nuk e kupton këtë dhe dëshiron të vendosë interesin personal para interesit publik dhe interesit të pacientëve, atëherë kjo është diçka me të cilën duhet të merremi”, theksoi Shqekiq.

Duke folur për Projektligjin për kujdesin shëndetësor, ai tha se është duke u realizuar një reformë serioze dhe e përgjegjshme.

“Unë vazhdimisht po dërgoj një mesazh – le të kthejmë empatinë në sistemit shëndetësor publik, kthim të ndjenjës për pacientët tanë dhe nevojat dhe problemet e tyre”, tha Shqekiq.

Ai tha se shërbimi dhe kujdesi shëndetësor cilësor do të vazhdojnë të jenë prioritet i departamentit që ai drejton.