Ulqini , një komunë me rreth 20 000 banorë të cilët jetonë me sezonin turistik, me bujqesinë e blegtorinë.  Mënyrë jetese e cila dita ditës  po veshtirësohet më shumë. Sezoni veror sjell gjallërinë  dhe disa të ardhura më të mëdha, ndërsa me perfundimin e tij përfundon edhe puna, përfundon përfitimi dhe mbyllen dyert e shumë objekteve. Qytetarët e komunës së Ulqinit shprehen të zhgënjyer dhe të shqetësuar për cështjen e papunësisë. Rinia nuk ka ku të punësohet, migrojnë me të madhe, në shumicën e rasteve vetëm njëri antar i familjes është i punësuar, thonë ata për televizionin Teuta, Kemi nje varg objektesh te cilat mbyllen me të  përfunduar sezoni veror. Nga ana tjetër  kemi edhe shumë objekte  të përkohëshme të cilat vihen në funksion të shumtën 3 muaj të verës, dhe me pas cdo gjë fiket. “Jepet me qera”, dyer të mbyllura me dry të cilat presin sezonin e ardhshëm veror, është ajo se cfarë ofron Ulqini në tri stinet e tjera të vitit!