Aleanca për Ardhmërinë e Kosovës ka bere me dije se në Deçan një numër i madh i anëtarëve dhe simpatizantëve të AAK-së,  kanë marrë pjesë në një tubim publik të organizuar nga AAK-ja, kjo me qëllim të mobilizimit të qytetarëve për protestën e 14 majit.Lideri i AAK-së, Ramush Haradinaj, ka sqaruar motivet dhe arsyet për protestën e 14 majit, duke thënë se kundërshtimi qytetar është i paalternativë, kjo për shkak të gjendjes së rëndë të krijuar në Kosovë, si pasojë e trendeve negative në qeverisje dhe marrëveshjeve antikushtetuese.Haradinaj, ka nënvizuar se protesta do të jetë paqësore, dhe pjesëmarrës të saj do të jenë qytetarë të të gjitha përcaktimeve shoqërore, politike e kulturore.