Ndihmës sekretarja amerikane e shtetit Victoria Nuland pret nga Serbia që të çojë përpara bisedimet për normalizimin e marrëdhënieve me Kosovën.

Ajo u ka thënë zyrtarëve të Beogradit se Shtetet e Bashkuara janë të interesuara të shohin Serbinë në familjen e vendeve evropiane.

Zonja Nuland qëndroi të martën në Beograd për të takuar udhëheqësit më të lartë politikë të Serbisë në kuadër të vizitës që po i bën rajonit, raporton Zëri i Amerikës.