Analizat paraprake të kryera nga ekspertët tregojnë se zjarri në një nga shtëpizat në Adën e Bunës, i cili u përhap edhe në një objekt tjetër, ndodhi brenda ndërtesës nga një pajisje shtëpiake, njoftoi Drejtoria e Policisë. “Në atë ditë, furnizimi me energji elektrike u ndërpre disa herë dhe u përcaktua se objekti ishte i kyçur në kohën e zjarrit,” thuhet nga policia. Oficerët e policisë, nuk gjetën asnjë gjurmë apo send, si në vend e as në ambientin e gjerë, që mund të tregojnë se zjarri ishte i vendosur., duke theksuar  se pronari i objektit nuk është shtetas i Malit të Zi dhe nuk ka lidhje me aksionin “Kurthi” , në të cilin për shpërdorim detyre u akuzuan një numër i punonjësve të policisë.