Përleshje masive në ndeshjen Brentford – Brighton
Prej tvteuta16 October 2022
Një përleshje e madhe ka ndodhur të premten mbrëma në Premier League. Trajneri i Brentfordit, Thomas Frank, e shtyu futbollistin Joel Veltmanin dhe më pas u ballafaqua me trajnerin e Brightonit, Roberto Di Zerbi, duke shkaktuar më pas një tollovi e madhe.
Veltman, i cili ishte i përfshirë edhe në dy përleshje tjera në pjesën e parë, i dha Frankut një të shtyrë të lehtë. Por brenda pak çastesh, trajneri i ri i Brightonit, De Zerbi, vrapoi drejt tij në përkrahje të futbollistit të vet dhe u konfrontua me Frankun. Italiani e mbante mbrojtësin e vet dhe drejtonte gishtin kah homologu i tij.
Edhe lojtarët dhe anëtarët tjerë të stafit të dyja skuadrave u përfshinë në këtë tollovi.
Gjyqtari Michael Salisbury foli me të dy trajnerët dhe i ndëshkoi me kartonë të verdhë.
Nuk pati inate të zgjatura. De Zerbi ia dha dorën dhe kërkoi falje, ndërsa Frank e pranoi gjestin e tij.
Ndryshe ishte në kaosin ndërmjet Thomas Tuchelit dhe Antonio Contes më herët gjatë këtij sezoni.
Takimi mes Brentfordit dhe Brightonit u mbyll 2:0. Ishte ndeshje e xhiros së 11-të.
